LEGAZPI-Hindi pa umano kaya ng pilipinas na gawing 20 pesos per kilo ang bigas.
Ito ang naging pahayag ni Albay 2nd District Representative Congressman Joey Sarte Salceda.
Kanyang sinabi, na ang plano ng presumptive president Ferdinand Bong Bong Marcos ang malabo pang mangyari sa pilipinas.
Mangyayari lamang umano ito kung walang buwis at bumili sa Vietman ngunit isasakripisyo ang aabot sa 3.4 million na magsasaka ng bansa.
Aniya, sa tingin nya “misquoted” lamang umano si Marcos.
Kung matatandaan, sa unang pahayag ni Marcos, titiyakin niya na magkakaroon ng mababang presyo ng bigas sakaling palarin syang mailuklok sa pagka-pangulo.
Anya, isa ito sa pangunahin niyang layunin, ay tiyakin na hindi na aabot sa P40 pataas ang presyo ng bigas kada kilo nito, bagkus ay sisikapin niya na ibaba mula P20 hanggang P30 ang kada kilo nito.
