Hindi bababa sa 100,000 pasahero ang naitala sa Paranaque Integrated Terminal Exchange (PITX) nitong Easter Sunday.
Ngayong tapos na ang Semana Santa, nagdagsaan ang mga tao kagabi pabalik ng Metro Manila mula sa kani-kanilang mga probinsya.
Ayon sa pamunuan ng PITX, umabot sa 1,210,464 ang bilang ng mga pasahero noong Marso 22.
Inaasahan naman nilang mas maraming pasahero ang darating ngayong araw.
Samantala, nagsisimula nang bumigat ang trapiko patungo sa Metro Manila sa ilang pangunahing kalsada dahil sa tumaas na bilang ng mga sasakyang galing sa iba’t ibang probinsya.
