Gibutyag sa Bureau of Fire Protection Davao City nga nagpabiling dakong hagit ang kapiot sa mga dalan sa mga residential areas atol sa pagrespondi panahon sa sunog.
Kini ang gibutyag ni Fire Inspector Shaira Borja, Davao City Fire District spokesperson, human sa natigayong sunog kagahapong adlawa sa Purok 12, Brgy. 5-A, Bankerohan ug Brgy. 8-A, Father Selga st., Davao City.
Sigon sa tigpamaba, nalisdan ang kabomberohan sa pagsulod sa maong lugar tungod sa piot nga dalan gawas pa sa mga nakaaradang mga sakyanan kilid sa dalan.
Kahibaluang gibana-banaang moabot sa 1.5million pesos ang gibiling danyos sa sunog kagahapon sa buntag nga midanyos sa 15 ka panimalay nga halos gama sa light materials samtang dunay usa ang partially damage.
Hinoon walay natalang casualties sa maong sunog .
Ang mga residenteng apektado sa sunog ang temporaryo karong gipahmutang sa Bankerohan gym.
