LEGAZPI CITY – Kulungan ang bagsak ng isang pintor matapos magpositibo sa drug buy-bust operation sa Brgy. Sto. Cristo, Daraga Albay.
Kinilala ang suspek na si Michael Andrew Mujar Jopia, 23 anyos, residente ng Brgy. San Roque ng nasabing bayan.
Ayon sa report, gabi nang magsagawa ng anti-ilegal drugs operation ang Daraga MPS sa lugar laban sa suspek.
Pinagbentahan nito ang nagpanggap na buyer ng pinanininiwalaang “shabu”.
Narekober din sa kanya ang ilan pang shabu, non-drug items at pera na ginamit bilang buy-bust money.
Sa ngayon, ang suspek ay nasa kustodiya na ng himpilan ng pulisya para sa kaukulang disposisyon.
