Dakpan sa mga personahe sa Mati City Police Station ang usa ka pintor atol sa gilusad nga drug buy bust operation sa Madang, Brgy Central, Mati City, Davao Oriental alas-10:45 sa gabii sa milabay’ng adlaw.
Ang dinakpan giila lamang sa alyas Heman, 28 anyos, nga residente sa Batman Village, Brgy Dahican, Mati City.
Nakuha sa dinakpan ang nagkadaiyang gidak-on sa pakete sa gituohang shabu nga gibana banaang mutimbang tulo (3) ka gramo nga dunay DDB value kapin kon kulang Php 20,000.00 ug uban pang drug paraphernalia.
Samtang, napasaka na ang kasong kalapasan sa RA 9165 kon Comprehensive Dangerous Drugs Act of 2002 batok sa suspek nga karon nagtingkagol na sa prisoha sa Mati City PNP.
