Tumaas ang bilang ng mga pamilyang Pilipino na itinuturing ang sarili na mahirap mula 43% noong Abril papuntang 48% noong Hunyo, ayon sa pinakahuling survey ng Social Weather Stations.
Ayon sa SWS, ang tinatayang bilang ng mga self-rated na mahihirap na pamilya ay 10.9 milyon noong Abril 2022 at 12.2 milyon noong Hunyo 2022.
Batay din sa syrvey na isinagawa mula Hunyo 26 hanggang 29, 2022, lumalabas na 48% ng mga pamilyang Pilipino ang nagre-rate sa kanilang sarili bilang “mahirap o poor”, 31% ay nagraranggo sa kanilang sarili bilang “borderline poor”, at 21% ay naglalagay sa kanilang sarili bilang “hindi mahirap o not poor.”
Isinagawa ang survey gamit ang face-to-face interviews sa 1,500 respondents sa buong bansa na may tig-300 sa Metro Manila, Visayas at Mindanao at 600 sa Balance Luzon.
Sinabi ng SWS na ang porsyento ng mahihirap na pamilya ay tumaas mula sa 43% habang ang mga borderline na pamilya ay bumaba mula sa 34%, at hindi ang mga mahihirap na pamilya ang bumaba mula sa 23% kumpara sa mga lumabas na datus noong Abril 2022.
