Ro robinsiya it Guimaras hay nakarekord it andang pinakaunang COVID-19 Delta variant.
Gintamaan ro sambilog ka 30 dag-on nga babaye halin sa Barangay Lawi, sa banwa it Jordan.
Base sa report, ro nasambitan nga babaye hay sangka empleyado it gobyerno ag nakamayad eun sa sakit. Sa presente, nakaablik eun raya sa trabaho.
Nagpaidaeom ro ginpadaea nga specimen sa genomic sequencing sa Philippine Genome Center (PGC) ku una nga dominggo it Agosto matapos imaw nga magpositbo ku Hulyo 28.
Kat naguwa ro resulta it genomic sequencing ku Agosto 21, sa manami eun nga kahintangan ro babaye.
Nagahiwat man gihapon ro mga otoridad it pag-backtracking sa mga close contact it babaye bilang paghalong.
Mabahoe nga misteryo gihapon sa mga otoridad kung paano nakaangkun it nasambitan nga COVID variant ro babaye nga uwa man it history of travel./ JIL B. LACSON
