CAMARINES NORTE- Natimbog ng pinagisang pwersa ng mga otoridad ang isang tulak ng iligal na droga sa ikinasang buy-bust operation dakong 6:58 ng gabi nitong Setyembre 22, 2021 sa Purok 1, Barangay Del Rosario, Mercedes, Camarines Norte.
Ang suspek ay nakilalang si PEDRO VILLAMARZO JR y PASABILLO, 41 anyos, may asawa, at residente ng nasabing lugar.
Sa isinagawang operasyon, nakuha sa pag-i-ingat ni VILLAMARZO angDalawang (2) maliit na piraso ng selyadong pakete ng shabu na nagsilbing buy-bust drug, Limang Daang Piso na buy-bust money; at Tatlong (3) pirasong maliliit na pakete ng hinihinalang “shabu”.
Ang mga nasamsam na iligal na droga ay tinatayang may street value na Isang Libo at Limandaang Piso ang halaga (1,500.00) na tumitimbang ng isang (1) gramo.
Kasong paglabag naman sa Sections 5 at 11, Article II ng RA 9165 ang kakaharapin ng nasabing suspek na nasa kustodiya na ng mga otoridad
