Sinuspinde ng gobyerno ang deployment ng mga overseas Filipino workers sa India dahil sa kabiguan na matugunan ang criteria na maituring bilang “compliant” destination country batay sa impormasyong natanggap ng POEA mula sa Philippine Embassy sa New Delhi.
Kinumpirma ni POEA officer-in-charge Bernard Olalia na nagkabisa ang deployment ban noong December 5.
Ipinaliwanag niya na nabigo ang bansa na matugunan ang tatlong kundisyon na kailangan para makakuha ng pag-apruba ng Department of Foreign Affairs.
Idinagdag ni Olalia na kailangang magkaroon ng bilateral labor agreement sa pagitan ng Pilipinas at India para mabigyang-daan ang deployment.
Batay sa datos ng POEA, mayroong 2,000 documented Filipino migrants sa India.
#
