Hindi bumoto ang Pilipinas sa naging botohan ng United Nations (UN) kung saan ay ipinapanawagan niala ng isang ‘humanitarian truce’ sa pagitan ng Israel at Hamas.
Nag-abstain ang kinatawan ng Pilipinas sa UN General Assembly (UNGA) na susuporta sana sa ‘immediate call’ para sa tigil-putukan.
Paliwanag ni Philippine Permanent Representative to the UN Amb. Antonio Lagdameo – kinikilala naman nila ang naging hakbang ng United Nations.
Wi-nelcome din daw ng Pilipinas ang ginawang pagbubukas ng mga humanitarian corridors.
‘Yun nga lang – hindi raw napabilang sa resolusyon ang pagkundena sa pag-atake ng Hamas partikular na noong October 7 kung saan, maraming sibilyan ang mga nangamatay, kabilang na ang ilang Pilipino.
