Nag abot eon ku Lunes ro contractor para sa pag lay out it mga stalls para sa relocation site it mga vendors sa Kalibo Public Market, ag sigidas man ro libot it mga admin personnel sa tindahan agud masayran kung sin o ro interesado bangud may una nga gabalibad magpa relocate.
Sa interview it Brigada News FM Kalibo kay Noe Pador, Market Supervisor II it Kalibo Public Market, base sa nag renew it 2024 business license, may una nga 51 percent sa total numbers of vendors.
Nasayuran nga may pila ka vendors ro indi mag-relocate kaya ginasiguro gid nanda agud indi man maging kanugon ro mga materyales sa pagpaubra it stall sa relocation site.
Tanan man segun kay Pador hay ginasabat nanda sa bag ong relocation kaparehu it security nga 24 oras nga magabantay ag suno segun sa contractor, posibleng abuton it 15 hasta 30 diyas matapos ro relocation para makaumpisa eon ro mga negosyante. // ANN DESLENE SALAZAR
