Agud makabangon ro ekonomiya sa probinsya it Iloilo sa tunga it covid-19 pandemic, ginpasugtan makarun ni Iloilo Governor Arthur Defensor Jr., ro pagbukas it mga establisyemento komersyal.
Ro owa eang ginapasugtan hay ro mga negosyo nga may kaangtanan sa entertainment, recreational and wellness services.
Ku nagtaliwan nga adlaw, nagpaguwa si Defensor it Executive Order No. 20 “for intensified prevention, detection, isolation, treatment and reintegration under MECQ and implementing a socioeconomic recovery plan in the province.”
Nasayuran nga ro probinsya it Iloilo hay sa idaeum it modified enhanced community quarantine (MECQ) hasta sa katapusan it buean maliban kung raya hay ma-extend. / ANN DESLENE SALAZAR
