Umpisa makarun nga adlaw, Enero 17 hasta 21, ro mga kalye sa palibot it Kalibo Pastrana Park hay gin-designate bilang ‘Balik Patik, Balik Tunog’ Zone, para uman nga buhion ro cultural traditions.
Raya hay ro mga kalye it S. Martelino Street, XIX Martyrs Street, C. Laserna Street ag Arch. Reyes Street.
Ro mga banda nga magasueod sa ‘Balik Patik, Balik Tunog’ Zone, hay gin-engganyo nga magtukar it luma, klasik ag sikat nga musika sa rhythm pattern it Kalibo original drumbeat.
Ag para mapabilin ro katawhayan, tanan nga banda hay dapat sumunod sa sangka direksyon sa street dancing sa sueod it primary festival zone kamana man sa secondary festival zone.
Samtang, ginabawae ro wheeled instruments sa Ati-Atihan celebration. // ANN DESLENE SALAZAR
