Muling nakapagtala ng degassing activity ang PHIVOLCS sa Taal Volcano.
Ayon sa ulat – na-monitor ang muling pagbubuga ng bulkan mula 01:30am hanggang 07:55am.
Na-oberserbahan sa Agoncillo Observation Station (VTAG) ang ibinuga nitong aabot ng hanggang sa 2,400 meters, at nagdi-drift sa direksyong pa-hilagang kanluran.
Maaaalalang ngayong Hunyo ay sunud-sunod ang mga degassing activities ng Taal Volcano, at mayroon ding ‘significant volume’ ng volcanic gas mula pa noong March 2021.
Kamakalawa, mayroon ding ibinugang 4,641 tonnes/day ng sulfur dioxide ang Taal.
Sa ngayon, nananatili pa rin sa Alert Level 1 ang Bulkan.
