Nilinaw ng PHIVOLCS na normal pa rin naman ang nangyaring pagyanig kahapon sa bahagi ng Palawan.
Kung maaalala kasi – bihirang-bihira lindulin ang isla dahil wala namang aktibong fault dito.
Sa panayam ng Brigada News FM Manila kay PHIVOLCS Director Teresito Bacolcol, sinabi nitong mayroon pa ring itong aktibong faults, pero sa bahagi ng karagatan.
Mula noong 1940 – ito pa lang ang ika-walong pagyanig sa naturang area.
Sa kabila niyan ay hindi naman daw sapat ang kakayahan ng naturang lindol para makapag-generate ng tsunami.
Sa ngayon, wala pa ring recorded aftereshocks, pero posible pa rin ito.
