Human ang lima ka bulan, subling giabrihan ang Philsys registration sa Davao City sa masdaghang venues.
Gawas sa SM Ecoland ug SM Lanang Premiere, nagadawat na usab ug step 2 registration ang NCCC Mall Buhangin ug Ayala Abreeza Mall Lunes hangtod Domingo.
Ang NCCC Mall site naga proseso sa application sugod alas 9 sa buntag hangtod alas 5 sa hapon, ang Abreeza Mall moproseso sugod alas10 sa buntag hangtod alas 8 sa gabii samtang ang SM Ecoland ug SM Lanang Premiere alas 9 sa buntag hangtod alas 3 sa hapon.
Wala gina rekomenda ang walk ins tungod gihatagan ug prayoridad kadtong duna nay appointments alang sa biometric process, iris scan, fingerprints ug front-facing photographs.
Ang step 2 appointment una nang naka booked human nakapa rehistro sa demographic information online.
Nagpahimangno ang city government nga limitado lang sa 200 ka slots matag adlaw ang sirbisyohan sa matag mall registration center subay sa gihatag sa online pre registration portal nga http://register.philsys.gov.ph.
