Inaasahang magpapatupad ang Philippine Health Insurance Corporation (PhilHealth) ng karagdagang 0.5 percent increase sa monthly contribution ng kanilang mga miyembro, simula sa Enero sa susunod na taon.
Dahil dito, ang premium rate ay tataas sa 4.5 percent sa 2023 mula sa kasalukuyang four percent.
Ang naturang increase ay ipinag-uutos sa ilalim ng Universal Health Care Act.
Ang yearly increase sa contribution rate ay magtatapos sa 2025.
Mababatid na nagsimula ito noong 2019, nang maisabatas ang Universal Health Care Law.
Ang increase sa kontribusyon ay gagamitin para lalo pang mapaganda ang primary care benefit package o ang KonSulTa (Konsultasyong Sulit at Tama) package, ng PhilHealth, kung saan magbibigay ito ng consultations, health-risk screenings, laboratory tests, at mga gamot. //MHEL PACIA
