Inihayag ng Department of Justice na maaring nasa 203 million Special Drawing Rights (SDRs) o $284 million (P15.8 billion) ang maaring makuha mula sa International Oil Pollution Compensation (IOPC) Funds para sa mga apektado ng oil spill sa Oriental Mindoro.
Ayon kay (DOJ) Undersecretary Raul Vasquez, na ang mga claimants ng pondo ay ang mga naapektuhan ang buhayan ng oil spill, kabilang na ang mga ahensya ng gobyerno.
Batay sa website ng International Monetary Fund (IMF), ang SDR ang kabuoang halaga sa US dollars batay sa market exchange rates sa pagitan ng major currencies gaya ng Euro, Japanese yen, at iba pa.
Dagdag ng IMF na ang SDR currency value ay binibilang araw-araw.
Sinabi naman ni Vasquez na ang Department of Environment and Natural Resources, Philippine Coast Guard, at ang Office of Civil Defense ay magkakaroon ng “inter-agency determination” para malaman kung magkano ang claim na mapupunta sa gobyerno. //MHEL PACIA-TRINIDAD
