Nakapagtala ang bansa ng 13,827 bagong COVID-19 infections ngayong araw, dahilan para pumalo na ang total case count sa 1,989,857
Ayon sa Department of Health (DOH), mababa ang bilang ng kaso na naitala dahil sa mababa ring output ng mga laboratoryo.
Dahil sa bagong infections, umakyat na sa 145,562 ang active cases sa bansa.
Sa bilang na ito, 95.9 percent ang mild, 1.4 percent ang asymptomatic, 1.1 percent ang severe, at 0.6 percent ang nasa kritikal na kondisyon.
Umabot naman na sa 1,810,847 ang total recoveries, matapos na gumaling ang 16,759 pang pasyente.
Samantala, nasa 33,448 na ang kabuuang bilang ng nasawi sa nasabing virus matapos makapagtala ang bansa ng 118 bagong fatalities.
