Kapwa naghayag ng suporta ang Pilipinas at Indonesia sa pagpapalakas ng seguridad sa rehiyon.
Sa isinagawang PH-Indonesia 13th Joint Defense and Security Cooperation Committee Meeting sa bansa, binanggit ni DND Undersecretary for Capability Assessment and Development Angelito De Leon ang matatag na diplomatic relations ng Pilipinas at Indonesia.
Muli rin nitong tiniyak ang commitment ng bansa na maisakatuparan ang mga nakasaad sa 1997 Philippines-Indonesia Agreement on Cooperative Activities in the Field of Defense and Security.
Sa panig ng Indonesia, ipinangako naman ni Director General for Defence Strategy Major General Ujang Darwis, na higit pa nilang palalakasin ang border security at defense cooperation sa pagitan ng mga kaalyadong bansa gaya ng Pilipinas.
