Nagpatigayon sang Mid-Year Job Fair sa isa ka dako nga mall ang Public Employment Service Office (PESO-Roxas) kapartner ang DOLE-Capiz sa pagpanguna ni Provincial Director Joselito dela Banda kag 17 ka kumpaniya ukon agencies.
Tinutuyo sang sini nga kahiwatan nga mahatagan sang opurtunidad ang mga fresh graduates kag job seekers nga madasig nga makapangita sang trabaho santu sa ila kurso, eksperyensya kag abilidad.
Ginatos naman nga job seekers ang nagpila kag nagpasimpalad sa pag-apply.
Lakip sa mga Job Opportunities amo ang trabaho sa Call Center, Construction Companies, Food/Commercial Establishments kag iban pa nga local employment opportunities.
Dungan sini ang TESDA-Capiz sa pagpanguna ni Provincial Director Rick Abraham naghatag man sang livelihood training sa mga single parents kag PWD’s samtang ang CSWD may ara man sang ginpatigayon nga selling sang mga produkto sang mga PWD’s sang Roxas City.
