LEGAZPI CITY – Andam na an mga personahes kan kapulisan sa Bicol Region partikularmente sa Bacacay PNP para sa pagmantenir kan seguridad asin sa pace orden para sa pagsabat sa Bagong Taon.
Ini an kinumpirmar ni Police Executive Master Sergeant Reynante Bansuela, Municipal Executive Senior Police Officer kan nasambit na hepatura sa Brigada News FM Legazpi.
Segun saiya, parte kan saindang preparasyon an pagdidistribwer nin mga information campaign materials para sa kaligtasan kan mga residente.
Piggibo su boot ninda an gabos na makakaya nindang lakdang nganing maabot an saindang obheto na mag-zero casualty siring man an maging matoninong an pagsabat sa Bagong Taon.
Pigsyerto ni Bansuela, kasado na an saindang mga lakdang pati an pag-deploy kan saindang mga personahe.
Sa ngunyan, maray an kamugtakan asin sitwasyon kan saindang banwaan asin wara pa man su boot sindang mga nanunutarang mga biktima kan paputok.
