Permanent closure, kini ang hangyo ni Davao Oriental Governor Nelson Dayanghirang sa Department of Environment and Natural Resources (DENR) batok sa duha ka mining company nga responsible sa siltation sa Magpaba ug Pintatagan Rivers sa Banay-banay.
Subay sa suwat nga gipadala sa opisyal ngadto kang DENR Secretary Roy Cimatu, boot niini nga dili na pabalikon sa ilang operasyon ang Riverbend Consolidated Mining Corporation /Arc Nickel Resources, Incorporated Tungod sa dakong kalapasan sa Environmental Law.
Grabeng pagdaot sa kinaiyahan matud pa ang gibuhat sa duha ka nickel mining operators tungod sa gpasagdan nga nicket laterite gawas nga wala na sila mirespeto sa Environmental Protection nga kampanya sa probinsya.
Nasayrang gipadala ni Dayanghirang ang iyang hangyo sa labaw sa DENR nunot usab sa gihimong aerial inspection kaubann si Mindanao Development Authority Secretary Maria Belen Acosta sa milabayng Enero 20, 2022.
