Plano ng Defense Department na paigtingin pa ang produksyon ng ng Stinger anti-aircraft missiles at Javelin anti-tank missiles, upang mapalitan ang kanilang sariling stocks na kasalukuyang papaubos na, sa gitna ng patuloy na pagpapadala ng vital systems sa Ukrainian forces na lumalaban sa invassion ng Russia.
Batay sa military assistance wish list, nais umano ng Ukraine na magpadala ang US araw-araw ng 500 Javelin anti-tank missiles at 500 Stinger anti-aircraft missiles.
Mababatid na mula noong March 7, nakapagpadala ang US at iba pang NATO members ng 17,000 anti-tank missiles at 2,000 anti-aircraft missiles sa Ukraine.
Noon namang March 16, inanunsyo ng White House ang $800 million assistance package na kinabibilangan ng 800 na karagdagang Stinger anti-aircraft systems at 2,000 Javelin anti-tank missiles systems para sa naturang bansa. //MHEL PACIA-TRINIDAD
