Masinadyahon nga nagpauli ang mga kabataan nga atleta sang Pencak Silat Roxas City, Capiz matapos nakahakot sang mga medalya sa bag-o lang tapos nga labing-una nga Pencak Silat National Championship Tournament 2024 sang nakaligad nga Hunyo 21-23, 2024.
Naglab-ot sa 13 tanan ka mga bulawan nga medalya, tatlo ka silver kag tatlo ka bronze ang nakuha sang hubon sa pinaagi sa Tanding Sparing category sang amo nga hampang.
Nahibaluan, nagkatuhay nga mga kabawahanan sa bug-os nga Pilipinas ang nagpasakop sa nasambit nga paindis-indis kun sa diin ang 19 ka atleta ang nagrepresentar sang Capiz kag lunsay nagpauli ang mga ini nga madinalag-on.
