Magmatngun na unya ang mga motorista kung mobiyahe sa kadalanan sa siyudad sa Mandaue.
Kini labi na kung mapatuman ang gisugyot nga ordinansa nagtinguha nga patas-an ang multa sa traffic violations.
Si konsehal Jimmy Lumapas, ang chairman sa Committee on Transportation nagkanayun nga pinaagi sa pagpasaka sa multa nanghinaot siya nga masilsil ang disiplina sa mga drayber ug madasig aa pagsunod sa lagda sa trapiko.
Si Hyll Retuya ang assistant department head aa Traffif Enforcement Agency of Mandaue (TEAM), niingun nga sagad aa mga kalapasan sa driver mao ang pagcounterflow, pagbaliwala sa traffic sign, driving left, ug speeding away.
Gikan sa kasamtangan nga P500 ngadto sa P1,000 nga multa, muabot na unya kini sa P1,000 ngadto sa P5,000. Ang pinaka taas nga multa mao ang speeding away gikan sa P1,000 ngadto sa P5,000.
Si Retuya niingon nga ang pagpadagan human gi-flag down nagpakita nga walay respeto ang driver sa traffic enforcer.
Ning bag-o lang, gipasakaan usab sa TEAM og kasong kriminal ang mga traffic violators nga wala manumbaling sa pagbayad sa citation ticket.///
