DEAD on arrival sa ospital ang usa ka 18-anyos nga lalaki human mabanggaan og van ala-1:20 sa hapon, Hulyo 22 sa NHW Digos-Makar road, Purok 5, Barangay Batomelong, GenSan.
Giila sa kapulisan ang biktima nga si Andrei Asis, residente sa 39 Village, Barangay Tambler.
Segun pa sa imbestigasyon sa TEU ang van nga gimanehoan sa 54-anyos nga si Richard Trupa, padulong sa direksyon sa sentrong bahin sa GenSan apan pag-abot niini sa Purok 5 sa Batomelong kalit niyang nabanggaan ang batan-on nga mitabok sa dalan, sa kakusog sa impact sa bangga naguyod ang biktima ug nabangga kini sa barrier hinungdan sa pagkaangkon niini og samad sa nagkadaiyang parte sa lawas.
Nadala pa sa ospital ang biktima apan nakabsan gihapon kini sa iyang kinabuhi.
Samtang samaron sab ang duha ka sakay sa close van ug kasamtangang nagpaayo sa ospital samtang ang drayber gitanggong sa selda sa kapulisan. I Enamie Mogpon
