LEGAZPI CITY – Dinagsa ng mga mag-aaral ang Albay Provincial Treasurer’s Office nang ipagpatuloy ng Provincial Education Department (PED) ang pamamahagi ng educational assistance kahapon.
Sa impormasyon mula sa Provincial Government of Albay, mahabang pila umano ng mga mag-aaral ang makikita kahapon dahil sa pagrelease ng nasabing asistensiya para sa unang batch nito.
Bawat benepisyaryo umano ay makakatanggap ng 2,000php depende sa budyet na nakalaan.
Humigit-kumulang 800 ang mga benepisyaryo mula sa primary hanggang tertiary ang nakatanggap ng tulong.
Samantala, pinaalalahanan naman ng PED ang publiko na pansamantala muna pa ring suspendido ang pag-apply sa educational assistance dahil sa dami ng naunang nag-apply.
