LEGAZPI CITY – Dae na basta-bastang ma-operate an Philippine Drug Enforcement Agency (PDEA) ki drug buy-bust operation huli ta kaipuhang adalam ining maray.
Segun kay PDEA Albay head Noe Briguel, dapat siyertuhon mako-convict an suspek na madadakop sa operasyon.
Tinawan-duon kaini na papahigot na an requirements kan korte, kun saen dapat mag-agi ini sa matinding beripikasyon, validation asin intelligence operation antes dakupon.
Magkaiba na su boot ngunyan kumpara sa mga nakalihis na taon pag-abot sa requirements kun sain probable cause sana an pighahanap kan prosecutor kan dati.
Alagad, ngunyan, sa bagong memorandum circular kan Department of Justice (DOJ), may mga dinugang na requirements siring kan intelligence operation, casing surveillance, asin iba.
Segun kay Briguel, pig-aadalan man ini kan mga prosecutor antes sangatan ki maninigong kaso an suspek.
