Nagpatigayon sang oplan galugad ang katapo sang Philippine Drug Enforcement Agency (PDEA) Capiz kag Roxas City PNP sa mga payag nga ginatineran sang mga personnel ukon Jail guard sang Capiz Rehabilitation Center sang damlag lang.
Suno kay Yngcong, gindal-an sang K-9 dogs sang mga otoridad ang mga payag sang Jail guard agud mahibaluan kun may yara sang iligal nga droga nga nakatago sa lugar.
Ginkalipay man sini ang negatibo nga resulta sang oplan galugad kag suno diri, nagapakita lang nga indi matuod ang galapta nga balita nga naga-engage sa iligal nga buluhaton ang mga tinawo sang CRC.
Matandaan, sadtong nakaligad nga bulan ginpaidalom man sa surprised drug test ang mga personnel sang CRC pinaagi man sa mandu ni Capiz Governor Fredenil Castro.
Apang tubtob sa karon, wala pa mahiluan ni Yngcong ang resulta sang nasambit nga drug test. Dugang pa ni Yngcong, maayo ang ginhimo sang PDEA kag kapulisan agud malimpyohan na ang isyu sa CRC nga ginaalegar nagapasulod sang iligal nga droga.
