Nangin mainit ang pagbaton sang mga pumuluyo sa banwa sang Cuartero kag Maayon sa amay sang probinsya nga si Governor Fredenil Castro sang damlag lang.
Kabahin ini sang Risk Resiliency Program-Climate Change Adaptation Mitigation-Disaster Risk Reduction Cash for Training nga ginlansar sang nagligad lamang nga Enero sini lang nga tuig.
Ang ini nga programa ang may yara sang 315 nga benepisyaryo sa Cuartero kag 385 sa banwa sang Maayon sa mga nagkalain-lain nga Barangay sa mga nasambit nga banwa.
Ang nabaton nga kantidad sang mga partisepante ang nagabalor 4,100 pesos sa mga nasambit nga banwa para sa anum ka adlaw nga pagpaidalum sa training kag apat ka adlaw nga pagpatrabaho.
Tuyo sang sini nga programa amo nga mahatagan sang temporaryo nga trabaho kag income ang mga nagakinahanglan nga pamilya sa kabanwahanan sa probinsya pinaagi sa cash for work.
Nangin kabahin man sang sini nga adbokasiya sanday 1st District Deputy Administrator Ricky Martin, Executive Assistant Rio Garcia, Maayon Mayor Raymond Malapajo, Cuartero Vice Mayor Tito Mayo, mga Barangay Kapitanes sang Cuartero kag Maayon kag ang mga benepisyaryo sang mga nasambit nga banwa.
