LEGAZPI CITY – Patuloy ang panawagan ng Philippine Drug Enforcement Agency (PDEA) Albay sa mga lokal na pamahalaan na mahigpit na magbantay sa mga maaring daanan ng mga iligal na droga.
Kaugnay nito, nagpapatuloy ngayon ang pakikipagtulungan ng ahensya sa iba’t ibang law enforcement agencies para sa tuluyang pagsugpo ng ilegal na droga sa lalawigan at sa mga kalapit na lugar.
Malaki umano ang naging papel ng iba pang law enforcement agencies tulad ng Philippine National Police (PNP) at LGUs na patuloy na nakikipagtulungan sa kanilang ahensya sa pamamagitan ng mga naitayong Balay Silangan.
