LEGAZPI CITY – Piglatag kan Legazpi City Veterinary Office an limang problema na pigkakawsa kan mga nagbabaralagaw-bagaw na ayam sa tinampo.
Sa intrevista kan Brigada News FM Legazpi kay City Veterinarian Dr. Emmanuel Estipona, sinabi kaini na iyo ini an acronym na DAM IT: enot an dangerous dog bite – kadalasan pati su boot kan mga pet owner, nagigin missing in action pag nakakagat na an saindang ataman; panduwa an annoyance of the community, kun sain perwisyo an mga ati kan mga ayam na nasa tinampo; pantulo an motor vehicle accidents na rampant ngunyan sain man na lugar.
Pang-apat an infectious rabies asin ultimo an pagkakaapektar kaini sa turismo.
Nin huli kaini, segun kay Estipona, importanteng maray an pagpapautob kan responsible pet ownership nganing maibetaran an nasambit na mga problema.
