“We are winning the war against illegal drug.”Kini ang gihingusgan ni PDEA-12Regional Director sa Naravy Duquiatan kung basehan matud pa ang illegal drug affectation sa mga barangay sa region-12.
Matud pa ni Duquiatan nga anaa sa 165 ka mga barangay sa region-12 gikan sa kinatibuk-ang 1,158 ka mga barangay o 14 percent drug affectation.
Ning tuiga as of December 9, mokabat sa 1,285 anti drug operation ang gipahigayon regionwide ug anaa sa dul-an P12 million ang nakumpiska nga kantidad sa gidiling druga, gilangkuban sa shabu ug marijuana.
Sa maong drug operation kaabag ang kapulisan ug kasundalohan, gibutyag ni Duquiatan nga 1,316 ang naaresto nga indibidwal sa region-12, 46 usab ang namatay sa mga anti illegal drug operations ug 125 ang atlarge drug personalities alang sa kinatibuk-ang 1,487 personalities involved ug nailha ug nalambigit sa gidiling druga.
Bisan karong Kapaskohan, gibutyag sa labaw sa PDEA-12 nga magpadayun ang ilang monitoring ug coordination sa mga hotel ug resorts kung may mga aktibidad nga mosangko sa paggamit og party drugs.
