Nanawagan si Pangulong Bongbong Marcos sa mga mambabatas ng parehong mababa at mataas na kapulungan na ipasa na ang mga priority bills.
Sa kanyang talumpati sa ceremonial signing ng Negros Island Region at Real Property Valuation and Assessment Reform Act kahapon, ipinahayag ng Pangulo ang kanyang hangaring maisabatas ang mga inclusive, responsive, at people-centered bills bago matapos ang taon.
Anya inaantabayan na ang pagsasabatas ng 17 priority bills na sertipikado ng LEDAC o Legislative-Executive Development Advisory Council.
Sa oras daw kasi na maging batas ang mga panukalang ito, inaasahang magtutulak ito sa pambansang kaunlaran at magpapabuti sa kalagayan ng mga mamamayan.
Ilan sa mga priority bills ay ang Anti-Agricultural Economic Sabotage act, Philippine Maritime Zones act, Anti-Financial Accounts Scamming act, at ang Mandatory Reserve Officers’ Training Corps o ROTC.
