May ilang bagay pa umanong nais makamit si Pangulong Ferdinand Marcos Jr. bago umalis sa kaniyang posisyon bilang hepe ng Department of Agriculture.
Sa panayam, hindi idinetalye ni Marcos kung ano ang kanyang mga layunin, gayunpaman, sinabi niyang mayroon siyang timetable para dito.
Nang tanungin kung ilang personalidad ang kaniyang isinasaalang-alang para mamuno sa DA, sinabi ni Marcos na patuloy na nagbabago ang listahan nito.
Nauna rito, sinabi ng Pangulo na aalis lamang siya sa kaniyang puwesto bilang DA Chief kapag nagawa na ang mga pagbabago sa istruktura sa departamento.
Binigyang-diin niya na ang mga problema sa loob ng DA ay napakahirap at kailangan ng isang pangulo para baguhin at ibalik ito.
Sinabi ni Executive Secretary Lucas Bersamin na seryosong isinasaalang-alang ng Pangulo ang ilang indibidwal na itatalaga bilang Kalihim ng DA.//CA
