Nagdaos ng bilateral meeting sina Pangulong Ferdinand R. Marcos Jr. at European Council President Charles Michel sa Europa Building sa sidelines ng ASEAN-EU summit sa Brussels, Belgium.
Nabatid na si Michel ang nag-imbita kay Pangulong Marcos Jr. sa Belgium upang lumahok sa Association of Southeast Asian Nations (ASEAN) – European Union (EU) Commemorative Summit.
Kabilang sa mga tinalakay sa pulong ay ang post-pandemic economic recovery, trade, maritime cooperation at climate action.
Ayon kay Ambassador ng European Union to the Philippines Luc Veron nitong nakalipas na taon ay mas pinalalim at pinalawak ng Pilipinas at EU ang kanilang mga common interests, values at matagal nang ugnayan.
