Patay ang isang church leader matapos pagbabarilin ng mga hindi pa nakikilalang suspek Rodriguez, Rizal.
Ayon sa CALABARZON Police, nakilala ang biktimang si Ma. Fe ‘Abel’ Armiza, 63-anyos na pastora ng Alpha Omega Church.
Sa imbestigasyon – lumabas na nagsusukat lang daw siya ng lupa sa tapat ng kaniyang tahanan nang mangyari ang pamamaril.
Bigla-bigla’y nilapitan na raw ito ng gunman at tska na pinagbabaril gamit ang ‘di pa tukoy na kalibre ng armas.
Kaagad tumakas ang suspek at patuloy pa ring pinaghahanap.
Inaalam pa rin sa ngayon ang motibo sa krimen.
