Umabot na sa mahigit 8 milyong indibidwal o higit sa 2 milyong pamilya ang naapektuhan ng dalawang kambal na bagyo sa bansa.
Ayon sa National Disaster Risk Reduction and Management Council (NDRRMC), ang pinagsamang epekto ng Severe Tropical Storm Kristine at Super Typhoon Leon ay nakaapekto sa 2,179,856 pamilya o 8,534,215 indibidwal.
Pinakamalaking bilang ng naapektuhan ay mula sa Bicol Region na umabot sa 3,027,690 na sinundan ng Region III na may 1,092,915 at Calabarzon na may 1,014,810.
Sa kabuuan, nasa 261,612 indibidwal o 60,367 pamilya ang nananatili sa 1,351 evacuation centers sa 17 rehiyon habang 548,133 indibidwal o 113,705 pamilya ang nasa iba’t ibang tirahan
