Magsilbi nga leksyon alang sa mga bana nga abusado, palahubog ug talamaye ang pasidaan sa Korte Suprema nga ma-priso sulod sa walo ka tuig ug pabayron sa 100-mil pesos ang kinsa man nga molambigit sa maong binuhatan.
Gibutyag ni Regional State Prosecutor Merlyn Uy nga dunay kapaignan ang mga makalapas sa Anti-Violence Against Women and Their Children Act.
Gidugang ni Uy nga ning panahon sa pandemya, wala nawala dinhe sa Northern Mindanao ang mga susama nga kaso, ilabi na sa mga urban areas.
Sa nahisgutan nga problema, gawas sa epekto nga mabati sa panag-uban sa magtiayon, pinaka-apektado niini ang mga bata.
Tambag karon ni Prosecutor Uy sa mga magtiayon nga nakasinati sa maong problema nga dili na paabton ang punto nga magresulta sa physical o emotional violence, inay ipaagi na lamang sa legal nga proseso.-END-
