Napanahon matud pa ang gihimo nga inagurasyon sa ika-143 nga Malasakit Center sa Tangub City, lalawigan sa Misamis Occidental.
Kini ang gibutyag ni Tangub City Mayor Jennifer Tan dungan sa pagdawat sa Doña Maria D. Tan Memorial Hospital sa mga major operations diin dakong tabang ang Malasakit Center sa paghatag og mas dali nga serbisyong medikal ilabi na sa kadtong mga walay igong ikasarang sa kinabuhe.
Dili na matud pa angay maguol ang katawhan sa Tangub ingon man ang kasikbit nga dapit lakip ang Lanao area ug Zamboanga tungod sa maong kalambuan.
Kahibaloan nga gipangunhan ang inagurasyon sa nahisgutan nga Malasakit Center ni Senador Christopher “Bong” Go. -END-
