Ipanunukala ng Olongapo Traffic Management and Public Safety Office sa Sangguniang Panlungsod na pabigatin ang parusa sa mga namamasada gamit ang kolurom na tricycle.
Ito ay para mabawasan ang dumaraming colurom na tricycle sa lungsod kahit pa tuloy-tuloy ang kampanya ng city government laban sa mga ito.
Ayon kay Traffic Management Chief Maj.Camilo Pablo, hindi gaanong epektibo ang panghuhuli at paniningil ng isa hanggang limang libong multa dahil pagkatapos nito ay tuloy pa rin ang pango-ngolorum.
Dahil dito, hihilingin ni pablo sa mga miyembro ng city council na isama sa parusa ang pagkumpiska sa sidecar ng tricyle sa ikatlong ulit na mahuhuling lalabag sa ordinansa.//Christian Andres-BNFM OLONGAPO
