Gumuhos ro sambilog ka parte it Ulian Bridge sa Brgy. Tinocuan, Dueñas, Iloilo kara eamang nga Lunes.
Bangud dikara, temporaryo nga indi maagyan it mabahoe nga trak ro nasambitan nga tulay.
Base sa pahayag it Iloilo 2nd District Engineering Office – Department of Public Works and Highways (DPWH) ro pagkasamad it tulay hay bangud sa sambilog ka 10-wheeler truck nga may karga nga 30 tonelada nga semento.
Mga maisot eamang nga saeakyan ro ginapasugtan nga makaagi sa tulay kapareho it mga motorsiklo, tricycle, four-wheeled private vehicles, van ag six-wheeler trucks.
Sa makara, padayon man ro pagkay-ad it nasambitan nga imprastraktura./JIL B. LACSON
