Agud matapna ro illegal nga sugae sa Western Visayas, ginmandu ni Police Brigadier General Jack Wanky, director it Police Regional Office 6 (PRO-6), sa tanan nga police units nga pabaskgon ro pagmonitor sa tanan nga sahi it illegal nga sugae, kaeakip eon ro billiards nga kaeabanan hay ginapustaan.
Ro direktiba ngara hay kasunod it silinggitan it publiko sa sangka billiard tournament nga ginhiwat sa bag-ong bukas nga billiard hall sa Barangay Bolilao, Mandurriao district ku Hulyo 20.
Suno kay Wanky, matuod nga ro mga billiard facility hay para sa libangan, pero may pila ka mga naga pamentaha para sa tinutuyo it pagsugae. // ANN DESLENE SALAZAR
