Nagkausap na raw sina Presidential Adviser on Poverty Alleviation Sec. Larry Gadon at si DSWD Sec. Rex Gatchalian kasunod ng umano’y pahayag ni Gadon na haka-haka lang ang kahirapan sa bansa.
Sa panayam ng Brigada News FM kay Gadon, sinabi nitong ayaw at hindi gusto ni Gatchalian na pinag-aaway silang mga opisyal ng pamahalaan.
Samantala, una nang pinabulaanan ni Gadon na may sinabi siyang ‘haka-haka’ lang ang kahirapan sa Pilipinas.
Sa katunayan nga raw ay gumagawa pa siya ng mga hakbang para lang makatulong sa mga mahihirap.
