Idiniin ni Presidential Anti-Organized Crime Commission (PAOCC) Undersecretary Gilbert Cruz na hindi pa rin maituturing bilang state witness si suspended Bamban Mayor Alice Guo sa gitna ng kinahaharap nitong isyu sa POGO.
Ayon kay Cruz, ang mga state witnesses ay mga ‘least guilty.
Sa kaso aniya ni Guo, nakikita nilang ang alkalde pa rin ang ‘most’ guilty sa kaso.
Mababatid na noong nakaraang linggo, sinabi ni PAOCC spokesperson Winston Casio na ikokonsidera lang nila para maging state witness si Guo kung makapagtuturo ito ng taong mas mataas sa kanya mula sa kanilang criminal organization.
