Naniniwala si Presidential Anti-Organized Crime Commission (PAOCC) na sapat ang limang buwang deadline para matukoy ang mga malalaking tao na nasa likod ng POGO operations.
Ayon kay PAOCC Undersecretary Gilbert Cruz, sapat ang five-month period hindi lang para ma-identify ang mga boss sa POGO, kung ‘di pati ang pagbuo ng database para sa foreign nationals na nagtatrabaho sa mga kumpanyang ito.
Dagdag pa ni Cruz, ang mga database na ito ay ‘crucial’ para matiyak na ang lahat ng POGO workers ay maipade-deport sa tunay nilang mga bansa.
Sa huli, tiniyak din nito na sa tulong ng mga law enforcement agencies, ipagpapatuloy nila ang pag-neutralize sa mga scam farms na nag-o-operate.
