SORSOGON CITY – Walang laman ang karamihan sa mga ipinamahagi ng Pantawid Pasada Card ng Land Transportation Office (LTFRB) sa mga PUJ operators sa lalawigan.
Ito ang kinumpirma ni Sorsogon Integrated Transport Federation (SORINTRAFED) President Ramon Dealca.
Ayon dito, ang nasabing problema ay kanila nang naipaabot sa LTFRB kung saan ang ibinigay umanong dahilan sa kanila ng ahensya ay sinunod lamang umano nito kung ano ang ibinigay na datos sa kanila ng Central Office at kasalukuyang hinihintay pa ang abiso kaugnay ng nasabing bagay.
Samantala, sinabi ni Dealca na aabot sa halos 200 mga tsuper sa lalawigan ang walang laman ang kanilang mga Pantawid Pasada Card.
