Nakatakda nang simulan ng Metropolitan Manila Development Authority (MMDA) ang paniniket sa mga e-bikes at e-trikes na dumaan sa pangunahing kalsada sa NCR.
Ibig sabihin, hindi na lamang paalala ang aabutin; kundi pagmumultahin na rin ang mga lumalabag na light vehicle drivers.
Sa datos ng ahensya kahapon sa kanilang information drive, umabot sa 55 na mga tricycle, pedicab, kuliglig, e-bike at e-trike ang hindi sumunod sa batas, kung saan sila’y binigyang paalala sa bagong regulasyon.
Nabatid na papatawan ng P2,500 ang mga nahuling lalabag; habang derecho impound naman ang sasakyan kapag walang lisensiya at registration ang light vehicle.
