Nagpatupad ng panibagong round ng balasahan ang Philippine National Police.
Sa pagkakataong ito, 7 matataas na opisyal ang apektado.
Base sa Special Order na na nilagdaan ni PNP Directorate for Personnel And Records Management Chief , Major General Sydney Sultan Hernia, ang bagong assignment ng mga opisyal ay epektibo kahapon.
Kasama sa mga binalasa sina Police Major General Oliver Lee mula sa Directorate for Operations (DO), Police Brig. General Aligre Lamsen Martinez mula sa Police Regional Office 11, at Police Col. Edwin De Luna Portento mula sa Intelligence Group, na lahat inilipat sa Personnel Holding and Accounting Unit (PHAU), ng DPRM.
Si Police Brig. General John Cayaban Chua ay inilipat naman mula sa Area Police Command Visayas sa National Police Training Institute .
Si Police BGen. Lex Ebrahim Corpus Gurat mula sa NCRPO ay napunta sa Directorate for Plans (DPL); si PBgen. Nicolas Supan Salvador mula sa DPL ay nalipat sa DO; at si PBgen. Nicolas deloso Torre III mula sa Communications and Electronics Sevice (CES) ay itinalaga sa PRO 11.
